"Rusiya Süriyädä xärbi cinayät başqara"

Xalıqara yarlıqaw oyışması Rusiyäneñ Süriyädä xärbi cinayät başqaruın beldergän.

Oyışmanıñ krizis kereşü programması citäkçese Tirana Hassan “Sky News"televideniyesenä birgän intervyusında Rusiyäneñ soñğı yıllarda küzätelgän iñ qurqınıç xärbi cinayätlärneñ qayberlärennän cawaplı buluın citkergän.

Rusiya xärbi oçqıçlarınıñ soñğı atnalarda Süriyädä tınıç xalıq häm qotqaru xezmätkärlärenä maxsus räweştä höcüm itülären,mäktäp, xastaxanä häm tınıç xalıqnı maqsat itep alğan bu höcümnärneñ haman da däwam itüen belderüçe Hassan ,Rusiya häm Bäşar Äsäd rejimınıñ xärbi cinayät başqarularına basım yasağan.

Hassan älege illärneñ yaralanğan keşelärne qotqarırğa tırışuçı tınıç xalıqnı ikençe tapqır bombalawların assızıqlağan.

Rusiya Süriyädä yaqınça 4 ay däwam itkän hawa höcümnärendä tınıç,basınqı oppozitsiya kontrolendäge töbäklärdä urnaşqan 27 mäktäp häm 27 sälamätlek saqlaw üzägenä höcüm itkän.

Gölgenä Näfis tärcemäse