Rusiyädä zika virusı

Bötendönya sälamätlek saqlaw oyışması dönyaküläm aşığıç çaralar kürergä çaqırğan zika virusı Rusiyädä dä kürelgän.

Rusiya Federatsiyäse satıp aluçılar xoquqın yaqlaw ministrlığı beldergänçä, xatın-qız xasta virusnı Dominikan Cömhüriyätendä yoqtırğan häm xäle yaxşıra bara.

Xastanıñ temperaturası kütärelüe häm ekzemadan zarlanuı ,qan analizında zika virusı tabıluı belderelgän.

Zika virusı berence tapqır 70 yıl elek Ugandanıñ Zika urmanında tabılğan.

Virus soñğı aylarda Könyaq Amerika illärendä bik tiz tarala başlağan.

Braziliyada zika virusın yoqtıruçılar sanı 500 meñnän alıp 1 million yarım tiräse buluı uylanıla.

Awırunıñ siimtomnarı küp waqıtta xis itelmägängä kürä anı yoqtıruçılarnıñ sanı tögäl genä bilgele tügel.

Zika virusı yökle xatın-qızlarda balalarnıñ ğarip bulıp tuuına etärä.