Dönya susız qalaçaq

“Science Advances” jurnalında urın alğan tikşerenügä kürä dönyada eçärgä yaraqlı sunıñ citärsezlege uylanılğannan kübräk keşene tä'sirli.

Tikşerenügä kürä bar dönyada yaqınça 4 milliard keşe yılda kim digändä ber ay su tabuda qıyınlıq çigä.

Bangladeşta 130 million, Paqıstanda 120 million häm Nigeriyada 110 million keşe här yıl ber çorda eçärgä yaraqlı su taba almıy, Amerika Quşma Ştatlarında da küpçelek California, Texas häm Floridada 130 million keşe yılda kim digändä ber ay susız qala.

Hollandiyaneñ Twente Universitetında su idaräse ölkäsendä eşçänlek başqaruçı Prof. Dr. Arjen Hoekstra dönyadağı töçe su qullanışınıñ däwam itterelä alınuı mäs'äläsendä borçularnıñ artuına işarät itep: “Eçärgä yaraqlı sunıñ citärsezlege barıbıznı da tä'sirläwçe global' problemağa äylände,” – digän.

Eçärgä yaraqlı sunıñ citärsez buluı problemasınıñ kiäse yıllarda üsäçägen iskärtüçe tikşerenüçelär bu wazğiyätneñ dönyanıñ qayber töbäklärendä küzätelgän köçle qorılıq häm su qıyınlığın arttıracağın beldergän.