Putin-Obama söyläşüe

Rusiyä Federatsiyase däwlät başlığı Vladimir Putin häm Amerika Quşma Ştatları ilbaşı Barack Obama telefonda Süriyä häm Ukraina mäs'äläsen qarağan.

Kreml matbuğat üzägennän yasalğan açıqlawğa kürä Obama häm Putin Xalıqara Süriyäne xuplaw törkemeneñ Münchendağı cıyılışınnan çıqqan qırıslıqnıñ tuqtatıluı häm qamawlarnıñ beterelüen üz eçenä aluçı kileşügä bäyä birgän.

Kileşüneñ ğamälgä kertelä alınuı öçen ike il tışqı eşlär ministrları arasındağı xezmättäşlekneñ arttırıluında kileşkän Obama häm Putin Süriyädä utnı tuqtatu häm humanitar yärdäm mäs'älälärendäge eşçänleklärne xuplağan.

Söyläşüdä Putin Obamağa terrorçılıq belän köräştä urtaq frontnıñ barlıqqa kiterelüe täqdimen qabatlap, “DAEŞ” terror oyışmasına qarşı planlı köräş öçen AQŞ häm Rusiyä saqlanu ministrlıkları arasında yaqın elemtäneñ qorıluı zarurlığın açıqlağan.

Söyläşüdä ike lider Ukrainadağı wazğiyätne dä qarağan.