Rusiyä generalları üterelgän
Süriyäneñ Törekmän tawı töbägendäge bäreleşlärdä 8 urıs häm rejim generalı üterelgän.
428026
Oppozitsiya çığanaqları Süriyäneñ Törkiyä çigendäge Törekmän tawı töbägendä höcümnärneñ wazğiyäten häm planlaştırıluın söyläşü öçen küp sanda Rusiyäle häm Süriyäle yuğarı däräcäle general qatnaşuında cıyılış ütkärelüen beldergän.
Qorallı oppozitsionerlar urını turında xäbär alğannan soñ oyıştırğan höcümdä dürtese Rusiyä, dürtese Äsäd rejimı generalı belän bergä 15 xärbine ütergän.
Höcümdä ülgän urıs generallarınıñ berseneñ Törekmän tawındağı höcümnärne koordinatsiyälägän “Yuriy" isemle general-leytenant buluı assızıqlanğan. Qalğan 3 urıs generalınıñ isä general-mayor däräcäsendä buluı bilgelängän.
İran inqilab saqçı köçläre komandirı general-mayor Muhsin Kacariyan da Süriyädäge bäreleşlär waqıtında häläq bulğan.
