"Törekmännär xaqında bernärsä dä işetmädem"

Rusiyä Federatsiyase däwlät başlığı Vladimir Putin Süriyädäge watandaşlar suğışınnan qaçıp, Törkiyä çigenä ağılğan törekmännärdän xäbärdar bulmawın däğwa itkän.

Meñnän artıq jurnalist qatnaşqan traditsion yıl azağı matbuğat oçraşuında çığış yasağan Putin: “Törekmännär xaqında bernärsä dä işetmädem,” – diyep, Törkiyäneñ bu mäs’älädä üzlären iskärtmäwen dä citkergän.

Putinnıñ kön tärtibendä 24nçe noyabr könne töşerelgän Rusiyä oçqıçı da bar ide.

Vladimir Putin oçqıçqa ni öçen utnıñ açıluın añlamawların beldergän.

Rusiyä çärşämbe könne Törkiyädän mönäsäbätlärneñ yaxşıruı öçen kompensatsiya häm oxşaş waqiğalarnıñ qabatlanmayaçağına qarağan garantiya sorağan ide.

Älege taläpne Änkara şunduq kire qaqtı.

Xäzer isä bar iğtibar New Yorkta uzaçaq Süriyä belän bäyle cıyılışqa yünälde.

Cıyılışta Törkiyäneñ tışqı eşlär ministrı Mäwlüt Çavuşoğlu rus xezmättäşe Sergey Lavrov belän ber östäl artında utıraçaq.