Qıtayda qızıl sörän

Başqala Pekinda soñğı könnärdä artqan kerlelek arqasında qızıl sörän salınğan.Mäktäplär yabılğan, eşxanä häm eş urınnarınıñ kübese eşlären tuqtatıp tora.

Motorlı transport çaralarınıñ da yulğa çığuına çikläw kertelgän.

Şähär xaqimiyäte cämäğat transportın qullanırğa çaqıra.

Küp sandağı keşe metro yäisä velosipedka östenlek birä.

Läkin kürelüçe çaralar citärle tügel.

Hawa kerlelege Pekin häm Şanghay belän ber rättän şaqtıy şähärdä sälamätlekkä yanıy.

Ayıruça ölkän yäştägelär häm balalarğa tın alırğa awır.

Prospektlarda bitleksez keşe kürep bulmıy.

Hawalarnıñ salqınayuı belän kerlelekneñ artuına iğtibar cälep itelä.

Dönyanıñ iñ zur kümer citeşterüçelärennän berse bulğan Qıtayda cılınu maqsatı belän häm sänägättä yağulıq bularaq kümer qullanıla.

Transport çarası sanı küp bulğan Qıtayda emissiyaneñ bülenep çığu küläme dä Awrupa häm Amerikadan kübräk.

Qıtay ayıruça sänägätläşü belän dönyada armosferağa iñ küp parnik gazın bülep çığaruçı il bulıp tora.