Rusiyä oçqıçları toraq punktlarnı bombalağan

Törkiyä çigenä yaqın bulğan häm törekmännär küpläp yäşäwçe Yazıbağları awılı yanındağı şartlaw tawışları Törkiyäneñ Kilis vilayätennän dä işetelgän.

Töbäktän çıqqan töten Kilis şähärennän dä kürengän.

Rusiyä xärbi oçqıçları atna axırında da Azäzdä humanitar yärdäm alıp barğan yök maşinalarına 2 ayırım höcüm yasağan, waqiğada 13 keşeneñ ğomere özelgän häm küp sanda keşe yaralanğan ide.

Şul uq waqıtta Amerika Quşma Ştatları Rusiyäneñ Süriyädä oppozitsiya törkemnärenä qarşı bik küp xärbi eşçänlek alıp baruın beldergän.

Aq Yortnıñ milli iminlek şurası kiñäşçe urınbasarı Ben Rhodes jurnalistlarğa yasağan belderüendä Rusiyäneñ Süriyädä oyıştırğan hawa höcümnärendä “DEAŞ” (Ğiraq-Dimäşq) terror oyışmasın bik siräk maqsat itep aluın äytkän.

Rusiyä operatsiyäläreneñ Süriyädä oppozitsiyanıñ başqa törkemnären maqsat itep aluın däwam itüen assızıqlawçı Rhodes monıñ wazğiyätne tağın da qatlawlı, butalçıq xälgä äyländerüenä basım yasağan.

Rhodes Süriyädä oppozitsiyanı säyäsi çişeleşneñ ber öleşe bularaq kürülären häm oppozitsiyäçel törkemnärneñ Amerika Quşma Ştatları, Rusiyä Federatsiyäse häm başqa il xalıqları öçen qurqınıç täşkil itmäwen äytkän.