Höcümdä ülüçelär sanı 132gä citkän

Frantsiya başqalası Parijda 13nçe noyabr könne oyıştırılğan terror höcümnärendä yaralanğan 300dän artıq keşedän tağın 3ese yaqtı dönyadan kitkän.

Şul räweşle şähärdä oyıştırılğan 6 höcümdä ülüçelär sanı 132gä citkän.

Premyer-ministr Manuel Valss höcümnärneñ Süriyädä planlanıluın häm äzerlänüen äytkän.

RTL radiosında çığış yasağan premyer-ministr potentsial’ höcümnär mäs’äläsendä dä iskärtü yasağan.

Frantsiyada kiläse kön häm atnalarda oxşaş höcümnärneñ barlıqqa kilä alaçağın citkergän Valls monıñ qalğan Awrupa şähärlärendä dä bula alaçağın assıqızladı.

Frantsiya premyerı: “Terrorçılar qabat höcüm başqara ala. Monnan qurıqmasqa kiräk. Äzer buliq. Frantsuz küzläw oyışmaları cäydän birle Parijğa oxşaş höcüm kereşülärenä kirtä quydı. Küzläw oyışması bu höcümnärneñ planlanuın belä ide”.

Yäkşämbe könne kiçke säğatlärdä başqaladağı Republique Mäydanı belän Notre Dame kafedralendä terror höcüme panikası barlıqqa kilgän.

Comğa könge höcümnärdä yaqtı dönyadan kitüçelär iskä alınğan waqıtta barlıqqa kilgän panikadan soñ politsiya yalğış söränneñ salınuın açıqlağan.

Parijda qan qoyğan terrorçılarnı ezläwçe frantsuz politsiyase isä 90 keşeneñ ğomeren özgän Bataclan kontsert zalında höcüm oyıştırğan terrorçılardan berseneñ 29 yäşlek Ömär İsmail Mostefai buluın bilgelägän.

Çığışı belän Aljirdan bulğan Frantsiya watandaşı Mostefaineñ kemlege barmaq ezennän öyränelgän waqıtta politsiya terrorçınıñ ğailäse yäşägän öylärne basıp, 6 tuğanın qulğa alğan.

Höcümnärdä qullanılğan ike transport çarasında Belgiya nomerınıñ buluı añlaşılğaç operatsiyalär bu ilne dä üz eçenä alaçaq räweştä kiñäytelgän.

İke il eçke eşlär ministrları küreşep, täraqqıyätlärne bäyälägän. Belgiya eçke eşlär ministrı Jan Jambon kiñ qırlı xezmättäşlek başqaraaçaqların açıqlağan.