Qara tartmalardan yat tawışlar işetelgän
Rusiyä oçqıçınıñ qara tartmaların tikşerüdä yaña faktlarğa ireşelgän
Misırnıñ Sina yarımutrawında şimbä könne kilep töşkän Rusiyä oçqıçınıñ qara tartmaların tikşerüdä yaña faktlarğa ireşelgän.
Belgeçlär fäläkättän alda kokpittan ğadäti bulmağan tawışlarnıñ işetelüen beldergän.
“İnterfax” xäbär agentlığınıñ xäbärenä kürä bu tawışlar işetelgänçe pilotlar häm törkem arasında normal’ söyläşülär barğan.
Rusiyä räsmi zatları oçqıçnıñ hawada kisäklärgä tarqaluın uylıy.
Amerikan iminlek belgeçläre dä iyärçen fotoräsemnärendä ütkärgän tikşerü näticäsendä oçqıçqa utnıñ açılmawın äytkän.
Amerikan televideniye kanalları CBS häm NBC iyärçen räsemnärendä oçqıç kilep töşkän waqıtta Sina töbägendä ut yalqınınıñ kürelüen, läkin oçqıçqa utnıñ açılmawın beldergän.
Qazadan soñ “Ğiraq-Dimäşk” terror oyışmasına bäyle ber törkem oçqıçnı bärep töşerülären citkergän ide.
Läkin Rusiyä Federatsiyase häm Misır bu däğwanı kire qaqqan.
Rusiyä oçqıçı qaldıqların cıyu eşe däwam itä.
