Rusiya häm Frantsiya Misırğa wäkillek cibärgän

Rusiya häm Frantsiya Misırnıñ Sina yarımutrawında Rusiya oçqıçınıñ kilep töşüe belän bäyle tikşerü ütkärü öçen Misırğa wäkillek cibärgän.

30 keşedän torğan wäkillektä Rusiya Federatsiyäse ğadättän tış xällär ministrı, transport ministrı häm Rusiya aviatsiya oyışması başlığı da urın ala.

Misır isä qayber illärne oçqıçnıñ kilep töşüe belän bäyle tikşerü tögällänmiçä torıp il iqtisadına zıyan kiteräçäk çaralar kürmäskä çaqırğan.

Misır tışqı eşlär ministrı Samih Şükri Rusiya Federatsiyäse tışqı eşlär ministrı Sergey Lavrovqa telefonnan şaltıratıp qayğısın urtaqlaşqan häm qazanıñ barlıqqa kilüe belän bäyle mäğlümatlarğa ireşü belän anı cämäğätçelekkä citkeräçäklären beldergän.