Awrupa Berlege 4 ilgä yärdäm kürsätäçäk
Fondtan Aljir 25 million, Marokko 180,5 million, Livan 25 million häm Yordaniya 135 million yevro alaçaq
Awrupa Berlege Aljir, Marokko, Livan häm Yordaniyağa barlığı 365,5 million yevrolık yärdäm kürsätäçäk.
Awrupa Berlege Komissiyasennän yasalğan açıqlawğa kürä 365,5 million yevronıñ 237 millionı bu 4 ildäge şäxsi tarmaqnı xuplar öçen qullanılaçaq. Älege fond yärdämendä yaña eş forsatları tä’min iteläçäk, hönär beleme bireläçäk, mikro, keçkenä häm urta ülçämdäge eşxanalär nığıtılaçaq.
100 million yevro sälamätlek saqlaw xezmätläre, fäqirlek belän köräş kebek ölkälärdä xalıqnıñ tormış räweşe şartların yaxşırtu öçen qullanılaçaq.
Qalğan 28,5 million yevro da Aljir, Marokko häm Livanda ictimaği cämğiyät häm xökem çığaru sisteması kebek ölkälärdä cirle reformalarnı xuplawğa bülenep quyılaçaq.
Fondtan Aljir 25 million, Marokko 180,5 million, Livan 25 million häm Yordaniya 135 million yevro alaçaq.
Komissiyaneñ Kürşelek säyäsäte häm kiñäyü söyläşülärennän cawaplı äğzase Johannes Hahn yasağan yazulı açıqlawda paketnıñ yaña eş mömkinleklären tudırıp, üsüne täşwik itep häm tormış räweşe standartların kütärep, bu illärdäge xalıqlarğa turıdan fayda kiteräçägen beldergän.
