İzrail yänä Ğazzäne bombalağan

Hawadan häm diñgezdän oyıştırılğan bombağa totu xärbi nigeznamälär belän çınğa aşırılğan, läkin yänä ğayepsez keşelär ülgän.

Höcümdä cimerelgän ber öy astınnan çığarılğan 5 aylıq awırlı xatın-ız belän qız balanın mäyetläre Ğazzädäge Şifa xastaxanäse morgına cibärelgän.

İzrail Ğazzä häm Yordannıñ könbatış üzänlege arasındağı Bäyt Hanun çik buyı qapqasın da ikençe iğlanğa qadär yabuın açıqlağan.

Qudüs-Yerusalimğa xärbi berleklär cibärgän Netanyaxu xökümäte şähärdäge Fälästinlelärneñ watandaşlıkların häm toru tanıqlıqların ğamäldän çığarunı söyläşer öçen cıyılğan.

İzraildäge ğaräp toraq punktlarına qarata başlatılğan operatsiyalärdä dä distäläröä Fälästin keşese qulğa alınğan.

Yordannıñ könbatış üzänlegendä Fälästinle ber ğailäneñ öyenä ut törtü belän başlanğan kiyerenkelek Äl-Aqsa mäçetenä qarağan radikal’ yähüd ağımı häm İzrail basımnarınnan soñ Qudüskä küçkän, waqiğalar soñınnan Ğazzä häm İzrail eçendäge ğaräp toraq pumktlarına cäyelgän ide.

Ğazzädäge Fälästin citäkçelege premyer-ministrı İsmail Xaniyä comğa könne yasağan açıqlawında waqiğalarnı öçençe intifada iteğ taswirlağan ide.

Xalıqara cämäğatçelek soñğı 12 köndä genä 23 fälästinle häm 4 yähüdneñ ğomeren özgän waqiğalar arqasında borçulı.