Frantsiya höcümnärne ğayepläde
Tışqı eşlär ministrlığı süzçese mäs'älä belän bäyle açıqlaw yasağan
Frantsiyaneñ Tışqı eşlär ministrlığı süzçese Romain Nadal Qudüs-Yerusalimda yäkşämbe könne başlanğan höcümnärneñ İzrail belän Fälästin arasındağı bäreleşneñ çişeleşe öçen tınıçlıq urnaştıru söyläşüläreneñ qabat başlanuı zarurlığına işarät itüen äytkän.
Frantsiyaneñ Qudüstäge izge urınnarnı xörmät itüen assızıqlağan Nadal tınıçlıq urnaştıru barışına yaña xalıqara yärdäm täqdime yasawların xäterlätep: “Frantsiya bäreleşlärneñ azağına yaqınlaşuı öçen wazifa başqarırğa äzer,” – digän.
Frantsiya Tışqı eşlär ministrlığı monnan alda cämäğatçelekkä citkergän İzrail häm Fälästin belän bäyle äzerlägän xisabında Frantsiyaneñ ike il arasındağı tınıçlıq urnaştıru barışında AQŞ belän ber rättän Awrupa häm ğaräp däwlätläreneñ tağın da aktiv rol alırğa çaqıruı urın alğan ide.
Frantsiya “Xalıqara yärdäm törkeme” iseme birelgän bu qorılış yärdämendä Berläşkän Millätlär Oyışması İminlek Şurasına basım yasap, ike il arasındağı söyläşülärneñ qısqa waqıtta näticägä ireşüen maqsat itä.
Şul uq waqıtta Angliyadağı ictimaği oyışmalar da İzrail ğaskäriläreneñ höcümnärenä qırıs reaktsiya belderde.
Üzäge Angliyada urnaşqan Fälästin Yärdämläşü kampaniyase mödire Sarah Colborne: “Moña xalıqara cämäğatçelekneñ cawap birüe zarur,” – digän.
