AQŞ-Rusiyä kiyerenkelege
Washington citäkçelege Mäskäwneñ Süriyädä xärbi aviatsiya bazası qorunı planlawın däğwa itkän
Amerika Quşma Ştatları häm Rusiyä Federatsiyase arasında Süriyä kiyerenkelege däwam itä.
Washington citäkçelege Mäskäwneñ Süriyädä xärbi aviatsiya bazası qorunı planlawın däğwa itkän.
AQŞnıñ Saqlanu ministrlığı Pentagon süzçese Rusiyäneñ Süriyädäge Lazkiyä şähärendä urnaşqan hawa mäydanı tirä-yağına xärbi kiräk-yaraqlar cibärüen äytkän.
Pentagon Mäskäwneñ töbäktä xärbi aviatsiya bazası qorırğa niyätäwen beldergän.
Pentagon süzçese Jeff Davis Amerikanıñ töbäktä Rusiyäneñ xärbi xäräkätlelegen yaqınnan küzätep baruların beldergän.
Davis Rusiyäneñ Äsäd rejimın xuplawın däwam itterüeneñ töbäktäge totrıqsızlılıqnı arttıru riskı buluın da assızıqlağan.
Bu waqıtta Rusiyä Federatsiyase Tışqı eşlär ministrı Sergey Lavrov 1nçe Kanalğa yasağan açıqlawında AQŞnıñ “Ğiraq-Dimäşk” terror oyışmasına ut açmawın äytkän.
Lavrov koalitsiya köçläreneñ “Ğiraq-Dimäşk” terror oyışması suğışçılarınıñ urının belülärenä qaramastan AQŞnıñ alarnı bombalarğa röxsät birmäwen däğwa itkän.
