İran belän Rusiya arasında suğış oçqıçı söyläşüläre

İran saqlanu ministrı Xösäyen Dähkan Rusiyädän “Suxoy”tibındağı suğış oçqıçı satıp alu öçen il räsmi zatları belän söyläşülär ütkärülären beldergän.

Dähkan Rusiyäneñ İranğa satqan, ämma sanktsiyälär säbäbe belän tapşıruı tuñdırılğan ozın radiuslı S-300 hawa saqlanu sistemasınıñ da yıl azağına qadär İranğa tapşırılaçağın citkergän.

İran belän 5+1illäre arasında Venada tä’min itelgän atom-töş kileşüenä dä tuqtalğan Dähkan ileneñ älege kileşü yöklämälären ütäyäçägen äytkän.

Dähkan qarşı yaq atom-töş kileşüe yöklämälären ütämägändä İrannıñ moña qırıs räweştä reaktsiya belderäçägen citkergän.

Dönyanıñ iñ kamil suğış oçqıçları bulıp isäplängän küp maqsatlı häm 2 pilotlı “Suxoy-30”reaktiv oçqıçları Amerikanıñ F-15 oçqıçlarınıñ Rusiyädäge variantı itep qabul itelä.