Qıtayda tayfun

Soudelor tayfunı Qıtayğa köçle yawım-töşem häm cil alıp kilgän.

Qıtaynıñ könçığışındağı Fujian töbägendä irtännän alıp kiçkä qadär küzätelgän tayfun elektrnıñ özelüenä säbäpçe bulğan.

Tayfun yaqınayğançı 370 meñ keşe töbäktän çığarılğan.

Utnıñ betüe yaqınça ber million yarım keşegä tä’sir itkän, töbäktä 36 öy cimerelgän, 281 öy dä zıyan kürgän.

Dawıl kibetlärneñ täräzälären watqan, elektr çeltärlärenä zur zıyan salğan.

Vilayättä 7 meñ politsiya häm ğaskär çaralar kürergä äzer.

Tayfun arqasında töbäktän küp sandağı oçqıç häm poyezd säfärläre dä ğamäldän çığarılğan.

Soudelor tayfunı tayvanda da 6 keşeneñ ğomeren özgän, 100dän artıq keşeneñ yaralanuına säbäpçe bulğan ide.