İzrail törmälärendä "Ğazap comğası"

İzrailneñ Nefha törmäsendä yatuçı 120 Fälästinle möddätsez räweştä açlıq çarasına başlağan.

“Fälästin azatlıq” oyışmasına bäyle Äsir eşläre yuğarı şurası başlığı İsa Karaki açlıq aktsiyäseneñ totqınnarnıñ kürgän basım häm höcümnär belän bergä qayberäwläreneñ başqa büleklärgä küçertelüe arqasında başlawın äytkän.

Karaki törmä idaräse qırıslıq ısulların betergänçegä çaqlı totqınnarnıñ açlıq çarasın ütkäräçägen beldergän.

Törmälärdäge tiskäre möğämälä arqasında totqınnar arasında kiyerenkelekneñ yuğarı buluın assızıqlawçı Karaki comğa köneneñ Nefha, Ramon häm än-Nakab belän bergä İzraildäge böten törmälärdä "Ğazap comğası” itep iğlan itelüen äytkän.

Fälästin äsirlär ministrlığı mäğlümatlärenä kürä, İzrail törmälärendä 7 meñnän kübräk Fälästinle totqın bar.