AQŞta salmonellez kizüe
Sälamätlek saqlaw ministrlığı ildä 6 keşeneñ xastaxanägä salınuın, 90 keşegä infektsiya diagnozı quyıluın citkergän
315325
Amerika Quşma Ştatları sälamätlek saqlaw ministrlığı ildä duñğız ite qullanuğa bäyle salmonellez kizüe küzätelüen beldergän.
Ministrlıq kizü säbäbe belän 6 keşeneñ xastaxanägä salınuın, 90 keşegä infektsiya diagnozı quyıluın citkergän.
Berençe tikşerülärgä kürä kizüneñ qızdırılğan duñğız itennän kilep çığuı açıqlanğan.
Kizüne kontrol astına alu öçen Vaşington ştatına belgeç törkem cibärelgän.
Awıl xucalığı ministrlığı da duñğız ite eşlänmälären qullanu belän bäyle belderüendä duñğız iten ışanıçlı çığanaqlardan alu häm çi duñğız ite belän eş itüçe keşelärneñ gigiyena qağidälären ütäwläre kiräklegen kisätkän.
Salmonellez kizüe tiyeşle çaralar kürelmägändä balalar, olı yäştäge keşelär häm immunitetı qaqşağan keşelärdä ülemgä iltergä mömkin.
