Yaponiyada Fukuşima" atom-töş stantsiyäsen sütä başlağannar

Yaponiyada 2011 nçe yılğı cirteträw häm tsunamida zıyan kürgän ,şul uq waqıtta radiatsiya taratuçı “Fukuşima” atom-töş stantsiyäsen sütä başlağannar.

Qazadan soñ zur külämdä radiatsiya cıyılu säbäple 1 nçe nomerlı reaktornı sütü eşlärendä yıraqtan idarä itelüçe pult sisteması qullanıla.

Atom-töş stantsiyäseneñ tübäsen berniçä ay eçendä sütü küzdä totıla.

Reaktornı äyländerep alğan panellärne sütkännän soñ xäräbälärne çistartu eşçänlekläre başlanaçaq.

Yuğarı däräcädäge nurlanış säbäbe belän qayber urınnardağı eşçänleklärne robotlar başqaraçaq.