Frantsiyadä terror höcüme

2 yäisä 3 keşe buluı uylanılğan höcümçelär qorılmada ber keşeneñ başın çalğan, küp sandağı keşene yaralağan.

Şahitlar birgän mäğlümatka kürä höcümçelär avtomobil belän Lyon yanındağı qorılmada gaz konteynerına bärelgän.

Ber Amerikan şirkätenä bäyle qorılmada yanğın häm şartlawlar barlıqqa kilgän.

Qorılmada başı çalınğan mäyet belän östendä ğaräpçä yazular bulğan bayraq tabılğan.

Politsiyaneñ ber şöbhäle keşene qulğa aluı belderelä.

Frantsiyaneñ eçke eşlär ministrı Bernard Cazeneuve programmaların ğamäldän çığarıp, waqiğa urınına kitkän.

Frantsiya däwlät başlığı Fransua Oland ta Awrupa Berlege oçraşuın qısqartıp, ilenä qayta.

Höcümne terrorçılıq itep taswirlağan däwlät başlığı waqiğa belän bäyle tikşerüneñ başlatıluın äytkän.

Qulğa alınğan ğayeplänüçeneñ frantsuz küzläw xezmäte tarafınnan ozaq waqıttan birle küzätelüe citkerelä.

Frantsiyada ğinwar ayında da Charlie Habdo jurnalı belän ber yähüd kibetenä oyıştırılğan höcümnärdä 17 keşeneñ ğomere özelgän ide.