Rusiyä Ukraina çigenä xärbi köçlären urnaştırğan
İlneñ Rusiyä tarafdarı bulğan törkemnärgä qoral cibärüe äytelgän
Mäskäwneñ ayıruça Ukrainanıñ könçığışındağı separatist törkemnärgä belem birüe häm töbäkkä qoral, tank, xärbi kiräk-yaraq häm hawa saqlanu sistemaların cibärüe belderelgän.
NATO ğomüm särqätibe Jens Stoltenberg oyıştırğan matbuğat oçraşuında: “Rusiyäneñ yaña höcüm oyıştıraçaq köçe bar, läkin berkem dä çın niyäten belä almas,” – digän.
İkençe yaqtan Rusiyä Federatsiyase Urta diñgezdä Qıtay belän urtaq xärbi künegülär ütkärä.
Rusiyä häm Qıtay “Diñgezdä xezmättäşlek 2015” isemle urtaq xärbi künegülärne başlatqan.
Künegülärdä 10 suğış köymäse qatnaşa.
Rusiyäneñ Saqlanu ministrı urınbasarı Anatoliy Antonov xärbi künegülär maqsatınıñ diñgez iminlege öçen xezmättäşlekne arttıru buluın beldergän.
Künegülärneñ bernindi ilga qarşı bulmawın äytkän Antonov avgustta Qıtay belän Yapon diñgezendä dä xärbi künegülär ütkäräçäklären citkergän.
Bu waqıtta Amerika Quşma Ştatları däwlät särqätibe John Kerry Rusiyägä bara.
Ukrainadağı krizis barlıqqa kilgännän soñ berençe tapqır Rusiyägä säfär yasayaçaq Kerry Soçi şähärendä Vladimir Putin häm Rusiyäneñ tışqı eşlär ministrı Lavrov belän küreşep söyläşäçäk.
Säfärneñ möhim kön tärtibe matdäläre arasında Ukraina, İran häm Süriyädäge täraqqıyätlär bar.
