Atom-töş energiya stantsiyasendä şartlaw

Amerika Quşma Ştatlarınıň New York ştatındağı İndian Point atom-töş energiya stantsiyaseneň transformatorındağı citeşsezlek zur şartlawnı kiterep çığarğan.

Şartlawdan soň stantsiyadä çıqqan yanğın sünderelgän.

Waqiğada ülüçe yäisä yaralanuçı bulmağan.

Şirkät atom-töş qorılmalardağı zıyan kürgän urınnarnıň imin räweştä yabıluın häm wazğiyätneň kontrol astında buluın beldergän.

Läkin citeşsezlekneň säbäbe älegä bilgesez.

Stantsiya yanında yäşäwçelär 200 metrlık ut yalqının kürülären äytkän.