Kerry-Zarif söyläşüe

Konferentsiya qısalarında Amerikan däwlät särqätibe John Kerry häm İrannıň Tışqı eşlär ministrı Cawat Zarif Berläşkän Millätlär Oyışması ğomüm şurasına möräcäğat itkän.

Kerry İran belän alıp barılğan atom-töş söyläşülärdä qayber töp mäs’älälärneň haman da çişelmäwen, läkin soňğı kileşügä härwaqıttağıdan da yaqın buluların äytkän.

Dönyadağı atom-töş qoralnıň 90%tan artığına AQŞ häm Rusiyäneň iyä buluına iğtibar cälep itkän Kerry Washingtonnıň atom-töş qoral zapaslarınıň azaytıluı mäs’äläsendä möhim eşçänleklär başqaruın beldergän.

İrannıň tışqı eşlär ministrı Möxämmäd Cawat Zarif tä atom-töş qoral iyä se bulğan barlıq illärne suğış-kiräk yaraqları skladların zamançalaştırudan waz kiçärgä çaqırdı.

Zarif Yaqın Könçığışta üzäk yuqqa çığaru qorallarınnan arındırılğan töbäkneň barlıqqa kiterelüe öçen Rusiyä Federatsiyase, Amerika Quşma Ştatları häm Angliyaneň tırışlıq quyuı zarurlığın beldergän.

Berläşkän Millätlär Oyışmasındağı cıyılıştan soň Kerry häm Zarif matbuğatqa yabıq bularaq söyläşü ütkärgän.