Bagdatta bombalı höcümnär

Ğiraq başqalası Bagdatta bomba quyılğan avtomobillär belän oyıştırılğan 3 höcümdä 18 keşe hälaq bulğan.

Säwdä üzäkläre häm keşe küp yöri torğan prospektlar maqsat itep alınğan höcümnärdä 50 gä yaqın keşe yaralanğan.

Süriyä yulı östendä urnaşqan kontrol punktında isä yänä bombalı avtomobillär şartlatılğan, 7 Ğiraq ğaskäreneñ ğomere özelgän.

Fällücä tiräsendä häm Ramadida “Ğiraq Dimäşq” terror oyışmasına bäyle terrorçılar belän Ğiraq berlekläre arasındağı köçle bäreleşlär küzätelüe citkerelä.

Ğiraq eçke eşlär ministrlığı süzçese “Ğiraq Dimäşq” kontrolendäge Fällucägä yaqın Garma qasabasın qulğa töşerergä cıyınuların beldergän.