İndoneziyada su bası fäläkäte

İndoneziyanıñ urta Yava töbägendä urnaşqan Surakarta qalasında küzätelgän köçle musson yañğırları su basuğa säbäp bulğan.

Töbäktäge yılğa taşığannan soñ meñgä yaqın yort su astında qalğan.

İndoneziya milli afät agentlığı räsmi zatları öylärennän çığa almawçı meñnärçä keşeneñ başqa cirgä küçerelüen , töbäktä aşaw-eçü urınnarı qorıluın citkergän.

Räsmi zatlar su basu fäläkätendä ülüçe häm yaralanuççı bulmawın , qayber töbäklärdä taşqın sularınıñ 1 metrğa qadär citüen beldergän.

Tropik poyasta urnaşqan İndoneziyada här yıl yañğır sezonında yış qına su basular barlıqqa kilä.

Uzğan yılğı su basu afätlärendä 25 keşeneñ ğomere özelgän bula.