"Xärbi qorılmalarıbıznıň tikşerelüenä röxsät birmäyäçäkbez"

İrandağı İnqilap saqçılarınıň komandir urınbasarı Sälami atom-töş söyläşüläre qısalarında xärbi qorılmalarınıň tikşerelüenä röxsät birmäyäçäklären, bernindi qarap çığunı qabul itmäyäçäklären äytkän.

İran däwlät televideniyesına açıqlaw yasağan Sälami: “Çit il inspektorları tarafınnan xärbi garnizonıbıznıň tikşerelüe, cirne yawlap alu milli mısqıllanunı aňlata,” – digän.

İran belän P5+1 illäre arasında Şveytsariyaneň Lozan şähärendä uzğan atom-töş söyläşülärdä 2nçe aprel könne kileşü tä’min itelgän ide.

İran belän Rusiyä Federatsiyase, AQŞ, Frantsiya, Angliya häm Qıtay belän Germaniyadän toruçı 5+1 illäre İrannıň atom-töş programmasınnan soň aylar buyı barğan söyläşülär näticäsendä kileşkän ide.

30nçe iyungä qadär soňğı kileşüneň tözelüe planlana, monıň öçen İran yıllar buyı AQŞ, Awrupa Berlege häm Berläşkän Millätlär Oyışması tarafınnan kertelgän çikläwlärneň beterelüen teli.