Süriyädäge humanitar wäzğiyät BMO kön tärtibendä
3 nçe xalıqara humanitar yärdäm konferentsiyäse BMO ğomum särqätibe Ban Ki Moon räislegendä sişämbe könne Kuveytta ütkärelä
Süriyädä könnän kön naçaraya baruçı humanitar wäzğiyät Berläşkän Millätlär Oyışması kön tärtibendä.
İctimaği oyışmalar wäkillären oçraştıruçı cıyılışta çığış yasawçı Berläşkän Millätlär Oyışmasınıñ humanitar eşlär şefı Valerie Amos Süriyädä keşelek dramasınıñ bik awır däräcädä buluın assızıqlağan.
Cıyılışta qaçaqlar öçen 480 million dollar tiräse yärdäm cıyarğa süz birgännär.
Fäqät Süriyä mäs’äläse belän bäyle töp cıyılış 31 nçe martta ütkärelä.
3 nçe xalıqara humanitar yärdäm konferentsiyäse BMO ğomum särqätibe Ban Ki Moon räislegendä sişämbe könne Kuveytta ütkärelä.
Cıyılışta Süriyägä yärdämne 8 milliard 400 million dollarğa citkerü planlaştırıla.
Uzğan atnada Berläşkän Millätlär Oyışması äzerlägän xisapta Süriyädäge humanitar wäzğiyätneñ bik awır xäldä buluı belderelep, 7 million 600 meñ süriyäleneñ yäşägän urınnarın taşlap kitärgä mäcbür buluı citkerelgän ide.
Xisapta 3 million 900 meñ keşeneñ kürşe illärgä sıyınuçı bularaq urnaştırıluı da belderelgän.
