Qudüstä rasist höcüm

Qudüs-Yerusalimdağı Grek pravoslav çirkäwe mäktäbenä höcüm itkän bilgesez keşelär binanıñ qayber öleşlärenä ut törtep, diwarlarına Xristiyanlıqqa qarşı graffitilär yazğan.

Höcüm belän bäyle tikşerü başlatılğan.

Grek pravoslav arxiyepiskopı Aristarchos: “İrtänge säğatlärdä binanıñ könçığış yağında yäşerengän häm bitlek kigän ike keşe mäktäpkä yaqınayıp, vannalarğa yanuçı yağulıq ırğıttılar,” – digän.

Aristarchos: “Monnan alda radikal yähüdlär kilep, bezgä yanağan ide. Bälki dä politsiya höcümneñ bu keşelärgä bäyle bulıp bulmawın belä alır,” – digän.

Bäytüllahimneñ Äl-Cäba awılındağı Äl-Huda mäçetenä dä çärşämbe könne yähüdlär tarafınnan ut törtelgän, yanğınnı töbäktäge xalıq sündergän ide.