Qoyaş qoşı "milli qoş" itep iğlan itelgän
Fälästinneñ Ministrlar şurası Fälästin qoyaş qoşın ilneñ milli qoşı bularaq qabul itkän
Ministrlar şurasınnan yasalğan açıqlawda: “Qoyaş qoşı - dönyada Fälästin isemen taşuçı berdänber qoş.
Berençe itep Fälästindä 1865nçe yılda kürelä. Xalıqara qoşlarnı saqlaw şurası da terkägän qoş töre Fälästindä yäşäwçe qoşlardan berse bularaq qabul itelä,” – dip äytelgän.
Üzäge Bäytüllahimdä urnaşqan Qırğıy tormış cämğiyäte başlığı İmad äl-Atraş ta Fälästin awıllarında “Sud” yäisä “Äbul Abd” dip ataluçı qoyaş qoşınıñ Fälästinnen isemen yörtüe arqasında säyäsi häm xalıqara mägnädä zur ähämiyätkä iyä buluın citkerep: “Monnan soñ Fälästin isemle milli çıpçığıbız bar,” – digän.
Atraş 150 yıl elek tirä-yaq moxit belgeçläre häm Awrupalı belgeçlär tarafınnan çıpçıqnıñ Fälästindä yäşäweneñ terkälüen belderep: “İzrail qızğılt-sarı bulğanı öçen qoşnı “Qızğılt-sarı qoş” dip atarğa tırıştı, läkin uñışqa ireşä almadı. Fälästin qoyaş qoşı Fälästinneñ tawları, üzänlekläre häm barlıq töbäklärendä yäşi. Keçkenä gäwdäse, ozın borını belän belenä. Qoyaş töşkändä yaltırıy. Matur tawışı bar,” – digän.
