Aq Yortta radikalizm häm terrorçılıq belän köräş cıyılışı

Washingtonda dönyada üsüçe radikalizm häm terrorçılıq belän köräş qaraluçı 3 könlek yuğarı däräcäle oçraşu uza.

Oçraşunıñ açılışında çığış yasağan Amerika Quşma Ştatları vitse-prezidentı Joe Biden terrorçılıq belän köräştä barı tik xärbi strategiyaneñ citärle bulmayaçağın äytkän.

Biden könbatış illärendäge yäşlärneñ radikalizmğa yünälülären buldırmaw yulınıñ möhacirlärneñ cämäğatçelekkä integratsiyaläw buluın beldergän.

Möhacirlärneñ integratsiyalänüe mäs’äläsendä Amerika Quşma Ştatlarınıñ Awrupadan tağın da uñışlı buluın citkergän Biden çığışınnan soñ integratsiya proyektları östendä eşläwçe Amerikan şähär xaqimiyätläre belän urtaq tügäräk östäl eşçänlegendä qatnaşqan.

AQŞ däwlät başlığı Barack Obama da yuğarı däräcäle oçraşu qısalarında pänceşämbe könne 60 ildän kilgän qunaqlarğa möräcäğat itäçäk.