Mali ilbaşı Törkiyägä kilä
Säfärdä dus häm tuğandaş Mali belän Törkiyä arasındağı ike yaqlı mönäsäbätlär bar yaqlap qaralaçaq
205287
Mali Cömhüriyäte däwlät başlığı İbrahim Äbubäkir Kitta Törkiyä ilbaşı Racäp Tayyip Ärdoğannıň çaqıruı buyınça 3-4nçe fevral könnärendä Törkiyägä säfär yasayaçaq.
İlbaşı idaräsennän yasalğan açıqlawda älege säfärneň Törkiyä Afrikadağı möhim partnerları arasında kürgän Mali belän mönäsäbätlärneň häm xezmättäşlekneň üsterelüe cähatennän zur ähamiyätkä iyä buluı assızıqlandı.
Säfärdä dus häm tuğandaş Mali belän Törkiyä arasındağı ike yaqlı mönäsäbätlär bar yaqlap qaralaçaq.
Malidağı tınıçlıq häm totrıqlılıq şartlarınıň nığıtıluı öçen Törkiyä tarafınnan Maliğa kürsätelgän humanitar yärdämnär dä bäyälänäçäk.
Säfär tarixi häm mädäni cähattän Afrikanın iň bay illärennän berse bularaq kürelgän Malidan Törkiyägä däwlät başlığı däräcäsendä yasalğan berençe räsmi säfär üzençälegenä iyä.
