Rusiyägä qarşı sanktsiyälär ozınaytıldı

Awrupa Berlege tışqı eşlär ministrları Rusiyä Federatsiyäsenä häm separatistlarğa qarşı çikläwlärne 6 ayğa ozınaytu qararın qabul itte.

Ukrainanıñ könçığışında bäreleşlärneñ artuı arqasında çirattan tış cıyılğan tışqı eşlär ministrları mart ayında waqıtı betäçäk sanktsiyälärneñ sentyabrgä xätle ğämäldä qaluı häm isemlekkä yaña isemnärneñ östälüe mäs’äläsendä kileşte.

Awrupa Berlege Tışqı eşlär yuğarı wäkile Federica Mogherini viza tıyıluı bilgelänäçäk häm milekläre tuñdırılaçaq yaña isemnär belän bäyle bularaq 1 atna eçendä täqdim äzerläyäçäklären häm 9nçı fevralda tışqı eşlär ministrlarınıñ raslawına tapşıraçaqların äytte.

Mogherini Minsk kileşüeneñ ütälüeneñ ışanıç astına alınuında kürelä alınaçaq härtörle çara öçen dä äzerlek eşçänlegeneñ başqarılaçağın belderde.

Amerika Quşma Ştatları Awrupa Berlege tışqı eşlär ministrlarınıñ sanktsiyälärne ozınaytu qararın “uñay adım" bularaq bäyäläde.

AQŞ däwlät departamentı süzçese Jen Psaki qararnıñ Ukrainadağı soñğı ğämällärneñ hiç tä qabul itelä alınmayaçağınıñ kürsätkeçe buluına iğtibarnı yünältte häm sanktsiyalar isemlegenä yaña keşelärneñ östälä alınaçağın belderde.