Davosta neft häm deflyatsiya qarala

Bötendönya iqtisadi forumı Şveytsariyaneň Davos şähärçegendä başlandı. Forumnıň bıyılğı teması – “Yaňa global’ şartlar”.

40 däwlät häm xökümät başlığı belän eş dönyasınnan citäkçelär qatnaşqan forumnıň berençe könendä neft bäyäläre häm deflyatsiya mäs’äläläre üz ezen qaldırdı.

Tübänäygän neft bäyäläreneň dönyaküläm iqtisadqa tä’sirlären bäxäsläşkän qatnaşuçılar neft miçkäse bäyäseneň 50-60 dollar tiräse buluınıň neft eksportlawçı illär öçen zur uňaylıq buluında urtaq fikergä kilde.

İqtisadnıň iň zur qurqınıçlarınnan bulğan deflyatsiyağa da ayıruça iğtibar cälep itelde.

Forum qısalarında oyıştırılaçaq cıyılışlarda Parijdağı höcümnär, kiber iminlek, ebola epidemiyası kebek iqtisadtan tış mäs’älälär dä söyläşeläçäk.

Yaqın Könçığış häm Ukrainadağı bäreleşlär dä Davosta qaralaçaq mäs’älälär arasında urın alaçaq.