45nçe Bötendönya iqtisad forumı başlanğan

45nçe Bötendönya iqtisad forum dönya säyäsäte häm iqtisadınıň aldınğı isemnäre qatnaşında Şveytsariyaneň Davos şähärçegendä başlanğan.

Şimbä könne azağına yaqınlaşaçaq forumda Törkiyä 6 yıldan soň berençe tapqır premyer-ministr däräcäsendä wäkillek iteläçäk.

140tan artıq ildän 2 meň 500dän kübräk qatnaşuçı forumda dönya iqtisadınıň töp problemaları xaqında bäxäsläşäçäk.

280än artıq utırışta qatnaşuçılar dönyaküläm problemalar häm çişeleşläre belän bäyle qaraşların urtaqlaşaçaq.

40tan artıq däwlät häm xökümät başlıqları belän ber rättän dini liderlar, ictimağıy cämğiyät oyışmaları häm eşmäkärlär dä forumda qatnaşaçaq.

Forumnıň töp başçaları isä üsü häm totrıqlılıq, krizislar häm xezmättäşlek, cämğiyät häm iminlek belän innovatsiya häm sänägät bularaq bilgelängän.

Frantsiyadağı terror höcümnäre arqasında bıyıl davostağı iminlek çaraları iň yuğarı däräcägä citkerelgän.

Şähärçektä iminlekne 6 meň politsiya xezmätkäre häm ğaskäri tä’min itäçäk.

Törkiyä Premyer-ministr Äxmät Dawıtoğlu bügen çärşämbe könne G-20neň çirattağı räise sıyfatı belän maxsus utırışta çığış yasayaçaq.

Dawıtoğlu, ayıruça, ğaräp liderları belän kiçke aş mäclesendä küreşep söyläşäçäk.

Törek premyerı comğa könne Zurihta Şveytsariyada yäşäwçe töreklär belän oçraşaçaq.