Ukrainada basım qabat kütärelgän

Ukrainanıñ könçığışındağı Rusiyä tarafdarları belän üzäk citäkçelek arasında dialog urnaştıru tırışlıqlarınıñ näticä birmäwennän soñ ber atnada basım yänä kütärelgän.

Rusiyä tarafdarlarınıñ Minsk kileşüendä küzdä totılğan utnı tuqtatu liniyase aşa uzıp, qulğa töşergän Donetsk hawa mäydanı Ukraina armiyase tarafınnan kire alınğan.

Bäreleşlärdä ike taraftan ğaskärilär belän ber rättän aralarında 7 yäşlek ber bala da bulğan ğayepsez keşelärneñ ülüe belderelä.

Ukraina däwlät başlığı Petro Poroşenko Kiyevda ber cıyında yasağan çığışında ilneñ ber qarış cirne dä birmäyäçäklären äytkän.

İldä soñğı atnada qoral tawışlarınıñ qabat işetelüennän soñ Rusiyädän “borçılabız” açıqlawı yasalğan.

İkençe yaqtan Kremldan yasalğan açıqlawda Rusiyä Federatsiyase däwlät başlığı Vladimir Putinnıñ uzğan atnada Petro Poroşenkoğa yazulı yullama citkerep, Ukrainanıñ könçığışındağı här ike tarafnıñ da awır qorallarnı taşlawın kiñäş itüe, läkin Kiyevnıñ monı kire qağuı, anıñ urınına alternativa täqdim itmäwe citkerelgän.