Merdoktan skandal yullama
“News Corp” global media törkeme citäkçese Rupert Merdok: “Terrorçılıqtan böten möselmannar cawaplı”.
“News Corp” global media törkeme citäkçese Rupert Merdok Frantsiyadağı “Charlie Hebdo” höcümenä qağılışlı bularaq sotsial mediada skandal yazma ber urtaqlaşqan.
Merdok (Murdoch) berençe yazmasında: “Möselmannarnıñ kübese kileşü yaqlı bulırğa mömkin, fäqät üsä baruçı cihadçılıq yaman şeşen abaylap alıp, anı yuqqa çığarğanğa çaqlı terrorçılıqtan cawaplı itep totılırğa tiyeş”, - dip äytkän.
Rupert Merdoknıñ Parijdağı höcüm belän bäyle yazmasına meñnärçä reaktsiya yasalğan.
Media citäkçese ikençe yazmasında isä: “Cihadçılıq qurqınıçı Filippinnärdän Afrikağa, Awrupadan Amerika Quşma Ştatlarına qädär här cirdä cäyelä. Säyäsi döreslek yağınnan inqyar häm ikeyözlelekkä kitelä”, - dip äytkän.
Yartı millionnan kübräk küzätüçese bulğan Merdoknıñ yazmaların barı tik berniçä meñ keşeneñ genä oşatuı iğtibarnı cälep itte.
Qayber küzätüçelär Merdoknı: "Bertörkem keşe yasağan ğämäldän milliardlarça keşene cawaplı itep tota almasız”, - dip tänqitlägän.
Qayberäwläre isä Merdokqa citäklägän media törkemeneñ skandalların xäterlätkän.
"Bu mantiq belän sin dä ülgän uquçı yäşlärneñ tawışlı xatlarınıñ urlanuınnan cawaplı totılırğa tiyeş”, - dip äytelgän.
Merdoknıñ üzäge Londonda urnaşqan ber gazetı qanunsız telefon tıñlaw skandalı barlıqqa kilgännän soñ yabılğan, üzäge New-Yorkta urnaşqan ber gazetı da rişwät skandalı arqasında awır könnär yäşi.