AQŞ Awrupadağı ğaskärlären kimetä

Saqlanu byudjetında här yıl 500 million dollar külämendä ekonomiyäläwne küzdä totqan Amerika Quşma Ştatları Awrupadağı xärbi barlığın azayta.

AQŞ saqlanu ministrlığı Pentagon Angliyädä urnaşqan hawa bazasındağı xärbi köçlären kire qaytaru qararına kilgän.

Bu qısada bazadağı 3200 xärbi personal häm ğailäse berniçä yıl eçendä kire qaytarılaçaq.

Pentagon şulay uq Germaniyädäge berniçä qorılmanıñ yabılaçağın, Portugaliyädäge Amerika berlekläre sanınıñ da kimeteläçägen citkergän.

Saqlanu ministrı Chuck Hagel bu räweşle Vaşingtonnıñ NATO berlektäşlärenä yaqlaw kürsätä alaçağın beldergän.