Awstraliya sörän salğan

“Ğiraq-Dimäşk” terror oyışması belän köräş alıp baruçı küp sandağı il sörän wazğiyätendä.

Uzğan atnada ber kafeda 2 totıq häm höcümçe yaqtı dönyadan kitkän waqiğadan soñ Awstraliya iminlek operatsiyalären arttırğan.

İnternet aşa terror höcümen söyläşüläre äytelgän 2 keşe qulğa alınğan.

Qulğa alınuçılardan Söläyman Khalidnıñ şaqtıy dokument, ber mıltıq häm 2 qorall belän totıluı belderelgän.

İkençeseneñ isä “Ğiraq-Dimäşk” terror oyışması saflarında suğışqannan soñ ilgä qaytqanda çik buyı qapqasında qulğa alınuı açıqlanğan.

Awstraliyadan 70 keşeneñ älege terror oyışmasına quşıluı çamalana.

Kanadanıñ Montreal şähärendä dä 21 yäşlek Jeffrey Labelle isemle yeget terror oyışmalarına bäyläneşe buluı şöbhäse belän saq astına alınğan.

Labellenı ätise şiqayät itkän. Yegetneñ bülmäsendä öyläre yanında urın alğan 4 törle politsiya bülekçäsenä xas kartalarnıñ tabıluı citkerelgän.