Putin Kimnı Mäskäwgä çaqırğan

Rusiyä Federatsiyase däwlät başlığı Vladimir Putin Sovyetlar Berlege armiyase ciňü yawlağan 9nçı mayda oyıştırılaçaq 70 yıllıq qotlawlarda qatnaşır öçen Tönyaq Koreya liderı Kim Jong-unnı Mäskäwgä çaqırğan.

İke il arasında tağın da yaqın mönäsäbätlärneň urnaştırıluı maqsatlı çaqıru Kreml tarafınnan da raslanğan.

Kreml süzçese Dmitriy Peskov Angliyada çığuçı “The Guardian” gazetına yasağan açıqlawında: “Äye, räsmi çaqıru cibärelde,” – digän. Tönyaq Koreya rejimınnan isä mäs’älä belän bäyle älege açıqlaw kilmägän.

Vladimir Putinnıň çaqıruına uňay cawap birelgän oçraqta 2011nçe yılda ätise yaqtı dönyadan kitkännän soň wazifanı üz östenä alğan Kim Jong-unnıň Rusiyägä säfäre berençe çit il säfäre bulaçaq.