"Könyaq ağımı" räsmi räweştä yabılğan
Proyektınıñ räsmi räweştä yabıluı Awrupa Berlegenä citkerelgän
“Könyaq ağımı” tabiğıy gaz ütkärgeçe proyektı räsmi räweştä yabılğan.
Rusiyä Federatsiyaseneñ Energetika ministrı Aleksandr Novak “Könyaq ağımı” tabiğıy gaz ütkärgeçe proyektınıñ räsmi räweştä yabıluın Awrupa Berlegenä citkergän.
Rusiyäneñ Energetika ministrlığınnan yasalğan açıqlawğa kürä Novak Awrupa komissiyase başlıq urınbasarı Maros Sefcovic belän telefonda söyläşkän.
Novak söyläşüdä “Könyaq ağımı” ütkärgeçe tözeleşeneñ tuqtatıluın Sefcovicka räsmi räweştä beldergän.
Rusiyä Federatsiyase däwlät başlığı Vladimir Putin Törkiyägä 1nçe dekabr könne yasağan säfärendä Rusiyädän Awrupağa Bolgariya aşa gaz küçerüe planlanğan “Könyaq ağımı” proyektınıñ yabıluın açıqlağan ide. Şul uq könne “Gazprom” başlığı Aleksey Miller yabılğan proyekt urınına Törkiyägä yaña ütkärgeçneñ tözeläçägen beldergän ide.
“Gazprom” räsmi zatı Sergey Kupriyanov isä 9nçı dekabr könne yasağan açıqlawında Qara diñgezne uzıp, Törkiyägä ireşäçäk ütkärgeçne töziyäçäk “Gazprom Russkaya” şirkäteneñ terkälüen citkergän ide.
