Lufthansada eş taşlaw çarası

Germaniyaneň iň zur hawa yulı şirkäte bulğan Lufthansada eşläwçe pilotlar kümäk eş kileşüe söyläşülärendä kileşüneň tä’min itelmäwe arqasında düşämbe könennän başlap eş taşlaw çarasın oyıştıru qararına kilde.

Hönärçelär berlege belän Lufthansa citäkçelege arasındağı söyläşülärdä Lufthansa, Lufthansa-Cargo häm Germanwings şirkätärendä eşläwçe 5 meň 400 pilot layıqlı yalğa çığuı mäs’äläsendä kileşü tä’min itelä alınmağan.

Lufthansa şirkäte pilotlarda layıqlı yalğa çığunı 55tän 60 yäşkä häm wazifadan kitüdäge urtaça yäşne 58dän alıp 61gä çığarırğa teli.

Mona qarşı çıqqan hönärçelär berlege aprel ayınnan birle küp tapqır eş taşlaw çarası oyıştırğan häm Lufthansağa bäyle şirkätlärdä 6 meň tiräse oçqı säfäre ğamäldän çığarılğan ide.

Eş taşlaw çarası sişämbe kiçenä qadär däwam itäçäk.