NATO Ukraina xärbilären öyrätäçäk
Ukrainadağı krizis däwam itä.
Ukrainada Kiev citäkçelege ilneñ könçığışında bäysezlek iğlan itkän Donetsk häm Lugansk töbäklärenä kürsätkän böten däwlät xezmätlären tuqtatqan.
Rusiyä yaqlı ike töbäktä xastaxanälär belän bergä üzäkkä bäyle oyışmalar eşlämi, bankomatlar häm kredit kartları da funktsional tügel.
Rusiyä yaqlı töbäklärne yaqlawçı Mäskäw citäkçelege dä könbatış belän salqın suğıştan soñğı iñ zur krizisın yäşi.
NATO komandirlarınnan Filipp Bridlav (Philip Breedlove) Kievta Ukraina İlbaşı Petro Poroşenko belän küreşep söyläşkän.
Awrupadağı amerikan xärbi berleklären citäkläwçe Bridlav NATOnıñ Ukraina ğäskären öyrätäçägen äytkän.
Wazğiyättän borçıluların belderüçe Bridlav Rusiyäneñ Qırımğa cibärgän reaktiv oçqıç flotı häm raketalar yärdäme belän böten Qara diñgez geografiyäsen kontrol astına alaçağın äytkän.
Alman parlamentında çığış yasawçı Germaniya Kantslerı Angela Merkel dä Rusiyä totışınıñ qabul itelmäslek buluın häm sanktsiyälärneñ qotılğısız buluın beldergän.
Awrupa keşe xoquqları mäxkämäse dä Ukraina yasağan möräcäğät nigezendä ilneñ könçığışındağı xoquq bozular belän bäyle bularaq Rusiyä Federatsiyäsennän yaqlaw soradı.
Awrupa keşe xoquqları konventsiyäse Awrupa Şurasına äğza il däwlätläreneñ ber-berlärenä qarşı keşe xoquqları bozu oçraqlarına qağılışlı mäxkämä eşen açu mömkinlegen tanıy.
