"Törkiyä-Rusiya xezmättäşlege strategik däräcädä"
Bu xaqta Rusiya Federatsiyäse däwlät başlığı Vladimir Putin belderde
198919
Rusiya Federatsiyäse däwlät başlığı Vladimir Putin Törkiyä –Rusiya mönäsäbätläreneñ yaña etapqa ireşüen belderep, ike il arasındağı xezmättäşlekneñ qayber tarmaqlarda strategik däräcädä buluın citkerde.
Putin Kreml sarayında Rusiyädä yaña eşkä kereşkän tulı wäqalätle ilçelärne qabul itte.
15 ilneñ tulı wäqalätle ilçese Kreml sarayında oyıştırılğan tantanada Putinğa ışanıç xatı tapşırdı.
Törkiyäneñ Mäskäwdäge tulı wäqalätle ilçese Ümit Yardım ışanıç xatın tapşırğannan son Vladimir Putin ike il mönäsäbätlärenä bäyä birde.
Putin ike il arasındağı xezmättäşlekneñ energetika berençe çiratta bulu belän bergä törle tarmaqlarda strategik däräcägä ireşüen assızıqladı.
Rusiya Federatsiyäse däwlät başlığı 1 nçe dekabrdä Törkiyädä uzaçaq yuğarı däräcäle xezmättäşlek şurası oçraşuında ike il mönäsäbätlären üsterü xaqında söyläşäçäklären citkerde.
