Yerusalimda sinagogağa höcüm

Qudüs-Yerusalimda ber sinagogağa oyıştırılğan höcümdä berençe kürsätkeçlärgä kürä 4 keşeneň ğomere özelgän, barlığı 6 keşe yaralanğan.

Yaralanuçılardan ikeseneň İzrail politsiyase buluı citkerelde.

Mıltıq häm balta alıp sinagogağa kergän ike höcümçe iminlek köçläre belän barlıqqa kilgän bäreleştä üterelgän.

İzrail politsiyase waqiğanıň ber törkem tarafınnan oyıştırılğan höcüm bulmawın, höcümçelärneň Könçığış Qudüs-Yerusalimnan buluın açıqladı.

Hamas häm İslami Cihat terror oyışmaları höcümne oyıştıruçılarnı qotladı, läkin höcümneň cawaplılığın üz östenä almadı.

Fälästinle törkemnär töbäktä basım bu qadär yuğarı bulğan waqıtta höcümnärneň qotılğısız buluın häm mondıy höcümnärneň soňğı aylarda İzrail başqarğan cinayätlärneň näticäse buluın belderde.

İzrail Premyer-ministr Netanyahu höcümneň Fäästin liderı Mäxmüt Abbas häm Hamasnıň qotırtuınıň näticäse buluın äytte.

Töştän soň iminlek kabinetın cıyu qararın qabul itkän Netanyahu İzrailneň höcümgä qırıs cawap qaytaraçağın belderde.

Höcümne ğayeplägän Fälästin däwlät başlığı Mäxmüt Abbas waqiğalarnıň xalıqara cämğiyätneň Äl-Aqsa mäçete mäs’äläsendäge bitaraf totışı belän bäyle buluın assızıqladı.

Amerika Quşma Ştatları däwlät särqätibe John Kerry Londonda yasağan açıqlawında höcümne ğayepläde.

İzrail-Fälästin arasında soňğı atnalarda üskän kiyerenkelektä 5 İzraille, 1 turist häm 10nan artıq Fälästinle yaqtı dönyadan kitte.