Ukrainanıñ könçığışında utnı tuqtatunı bozu oçraqları däwam itä

Ukrainanıñ könçığışında 5 nçe sentyabrdä utnı tuqtatu iğlan itelsä dä monı bozu oçraqları däwam itä.

Ukrainanıñ könçığışındağı Donetskta ber mäktäpneñ sport mäydanına tup yädräse kilep töşkän.

Waqiğada 14 häm 18 yäşlek ike yäşüsmerneñ ğomere özelgän, 4 yäşüsmer yaralanğan.

Ukrainada utnı tuqtatunı bozu belän bäyle qurqular artqanda Awrupa iminlek häm xezmättäşlek oyışması töbäktäge küzätüçe sanın arttıraçağın açıqlağan.

Planlaştıruğa kürä,yıl azağına qadär küzätüçe sanın 500 gä citkerü kötelä.

Töbäktä Rusiya tarafdarları belän Ukraina armiyäse arasında küzätelgän bäreleşlärdä aprel ayınnan birle 4 meñnän kübräk keşeneñ ğomere özelgän.