Äl-Äqsa mäçetendä bäreleş

İzrail iminlek köçläre berniçä kön buyı küzätelgän bäreleşlärdän soñ Äl-Äqsa mäçetenä kergän.

Ber törkem radikal yähüdlär ğibädät sıltawı belän İzrail iminlek köçläre belän bergä mäçetkä kerergä tırışqan ide.

Şul uq waqıtta İzrail Fälästinlelärgä Äl-Äqsa mäçetenä kerüne tıyğan.

Moña reaktsiya kürsätkän Fälästin watandaşları belän İzrail iminlek köçläre arasında bäreleş barlıqqa kilgän.

Tawış bombaları mäçet diwarlarında yañğırağan.

İzrail iminlek köçläre mäçetkä dä zıyan salğan.

Bäreleşlärdä şaqtıy Fälästinle yaralanğan.

Fälästin citäkçelege İzrailneñ Äl-Äqsa mäçetenä höcümen Berläşkän Millätlär Oyışmasına citkerergä äzerlänä.

Äl-Äqsa mäçete idaräsenä qarawçı İslami waqıflar mödire Azam Äl Xatip İzrail iminlek köçläreneñ 1967nçe yılğı suğıştan bügengä qädär berençe tapqır mäçetkä ayaq kiyemnären salmıyça kerüen açıqladı.

Bäreleşlär barğan çaqta Könçığış Yerusalimda ber Fälästin maşinasınıñ tramvay tuqtalışında kötkän keşelärgä kiterep bärgän.

Tuqtalışta tramvay kötkän 1 İzrail iminlek xezmätkäre yaqtı dönyadan kitkän, 13 keşe yaralanğan.

Yaralanuçılardan 2eseneñ awır xäldä buluı belderelgän.