Dilma Roussef - qabat ilbaşı
Braziliyada uzğan däwlät başlığı saylawında xäzerge ilbaşı Dilma Roussef 51% tawış cıyıp yänä ilbaşı bulıp saylanğan
172242
Braziliyada uzğan däwlät başlığı saylawında xäzerge ilbaşı Dilma Roussef ciñügä ireşkän.
Räsmi näticälärgä kürä, saylawda üzenä sulçılar häm fäqirlär zur yaqlaw kürsätkän Rousseff 51% tawış cıyğan.
Sotsial demokratiya partiyäsennän köndäşe Aecio Neves 48% tawış alğan.
İlneñ iñ çäkäläşüle däwlät başlığı saylawında Rousseff tağın 4 yıl xakimiyättä qalu mömkinlegenä iyä bulğan.
Rousseff tarafdarları uramnarda çığıp ciñüne bäyräm itkän.
Rousseff xakimiyättä bulğan däwerdä ildä 40 million keşe fäqirlektän qotılğan, eşsezlek küläme kimegän , açlıqqa qarşı köräştä möhim alğarış tä’min itelgän.
Ämma şul uq waqıtta Roussef xakimiyätendä soñğı waqıtlarda qanunsızlıq däğwaları artqan häm iqtisad üseşe dä kimi başlağan.