Qıtay ğalämdä super köç bulırğa teli

Qıtay ayğa barıp kire qaytaçaq kosmik qorab oçırttı.

Qorab “Xichang” ğaläm bazasınnan oçtı.

Şul räweşle, 2017nçe yılda ay tufrağın cıyaçaq modul’ texnologiyase sınap qarala.

Raketa yärdämendä oçırtılğan kosmik qorab aynı 8 köndä äylänep çığaçaq.

Qorab ayğa säfärennän soň Eçke Mongoliyağa töşäçäk.

Amerika Quşma Ştatları häm Rusiyä Federatsiyasennän soň ayğa qorab cibärgän öçençe il bulğan Qıtay uzğan yılnı ayğa robot cibärgän ide.

Kiň qırlı ğaläm programmasın üstergän Pekin citäkçelege 2020nçe yılğa qadär ğaläm stantsiyasen qorırğa häm ayğa keşe cibärergä planlıy.