ĞDİD oyışmasınıñ Kobaniğa höcümnäre däwam itä

Ğiraq Dimäşq İslam däwläte oyışması suğışçıları xalıqara koalitsiyäneñ hawa höcümnärenä qaramastan Süriyäneñ tönyağındağı Kobani qalasına höcümnären däwam itterä.

Süriyä Keşe xoquqların küzätü oyışması şähärneñ öçtän ber öleşennän kübrägeneñ suğışçılar qulına küçüen beldergän.

Üzäge Angliyädä urnaşqan Süriya Keşe xoquqların küzätü oyışması başlığı Rami Abdurrahman Kobaninıñ könçığışınıñ tulısınça, tönyaq-könçığış häm könyaq-könçığışındağı qayber urınnarnıñ Ğiraq Dimäşq İslam däwläte oyışması qulına küçüen citkergän.

Abdurrahman suğışçılarnıñ şähär üzägenä tağın 100 metr yaqınayuın assızıqlağan.

Kobani qalasında köçle bäreleşlär däwam itä.

Amerika häm Yordaniya oçqıçları şähärdä Ğiraq Dimäşq İslam däwläte oyışması qorılmaların bombalıy.

Oyışma isä Rakka qalasınnan Kobaniğa östämä suğışçılar cibarä.

Süriyä keşe xoquqların küzätü oyışması Kobanida 3 atna buyı däwam itkän bäreleşlärdä yartısı Ğiraq Dimäşq İslam däwlate oyışması suğışçısı bulu belän bergä tuplam 400 keşeneñ ğomere özelüen beldergän.

Ğiraqta Bäyci neft eşkärtü zavodın iyün ayınnan birle qamaw astında totuçı Ğiraq Dimäşq İslam däwläte oyışması suğışçıları ber Ğiraq boralağın bärep töşergän.

Boralaqtağı 2 pilot hälaq bulğan.